اسلام آباد۔ 10مئی (اے پی پی) وزارت ڈٹ بندی شون و اصلاحات اینخو نا مالی سال 2015-16ءنا سرکاری بشخ انا شونداری پروگرام تے ٹی صنعت وپیداوار ڈویژن نا شونداری ڈٹ آتے کن جمی وڑاٹ 62کروڑ 99لکھ روپئی آن زیات نا فنڈ جاری کرینے۔ حکومت اینخو نا مالی سال اٹی دا ڈویژن نا شونداری کاریم تے کن 79کروڑ روپئی نا فنڈز تخانے۔ پلاننگ کمیشن نا برجاءکروک حساب وکتاب نا رداٹ حکومت پاکستان جیمز جیولری ڈویلپمنٹ کمپنی کن 9کروڑ 74لکھ، گدانی و پنی ٹی سول ورکس کن اسہ کروڑ 86لکھ، بوستان انڈسٹریل اسٹیٹ کن 2کروڑ 50لکھ، سوات اٹی سلک کلٹر کن اسہ کروڑ 75لکھ، حیدرآباد انجینئرنگ سپورٹ کن 5کروڑ، بلوچستان اٹی ایس ایم ای کن 5روڑ، سیالکوٹ بزنس اینڈ کامرس سینٹر کن 13کروڑ 37لکھ روپئی تون اوار کیہی شونداری ڈٹ آتے کن فنڈ جاری کرینے۔
