نئی دہلی۔27فروری( اے پی پی) بھارت ئِ یک آمید گسے ئَ ناشرکاریئِ بھتان ئَ صفدر ناگوری ئَ ھوارسٹوڈنٹ اسلامک موومنٹ آف انڈیائِ 11باسکاں اُمبر کیز ءِ سزائِ پرمان دات گ۔ بھارتی ھال در ئَ گشتگ کہ دوشمبے ئِ روچءَ اندور ئِ یک آمید گسے ئَ ناشرکاری ئِ سُرپُر ءُ سلاھءُ بمب ءُ ٹوپ ایر کنگئِ بھتانئَ صفدر ناگوری ئَ ھوار سٹوڈنٹ اسلامک موومنٹ آف انڈیا(سیمی) ئِ 11باسکاں اُمبر کیز ءِ سزا داتگ۔ اے مردم 2008ئَ سپیشل ٹاسک فورس ئَ یک کاروائی ئِ تہا دزگیر کتگ بوتگ اَنت ءُ سی بی آئی ئِ آمید گس ئَ ھم ایشانی سرئَ مقدمہ چلائنگ بوھگئَ اِنت۔ اے مردمانی سرئَ احمد آباد ئَ سیریل تراکاں ھوار ئِ بھتان اِنت کہ اے تراکاں کم چہ کم 57مردم بیران بوتگ اَنت۔ استغاثة ئَ گشتگ کہ صفدر ناگوری کہ اے وھدئَ بندی جاھ ئَ بند اِنت، اے تراکانی ساچ کنوک اِنت۔ زانگ بہ بیت کہ بھارتی حکومت ئَ 2001ئَ سیمی ئِ سرئَ بندش جتگ۔
