شارجہ۔ 27 فروری (اے پی پی) پاکستان سپر لیگ اٹی پشاور زلمی و کوئٹہ گلیڈی ایٹر نا نیام اٹ اولیکو کوالیفائنگ فائنل (اینو) سے شنبے آ شارجہ ٹی گوازی کننگک، میچ نائٹ مریک و پاکستانی وخت انا رداٹ شام انا نہہ بجہ غا بناءکیک۔ سرجم احوال آتارداٹ یو اے ای ٹی برجاپاکستان سپر لیگ (پی ایس ایل) نا ارٹ میکو ایڈیشن ایسری مرحلہ ٹی پترینگانے، میگا ایونٹ اٹی اولیکو کوالیفائنگ ٹورنامنٹ نا ٹاپ ٹیم پشاور زلمی و ارٹ میکو نمبر آ سلوک آ کوئٹہ گلیڈی ایٹر نا نیام اٹ شارجہ کرکٹ اسٹیڈیم اٹی گوازی کننگک، ہراٹیم کٹک او فائنل کن کوالیفائی کیک ولے کٹفوک آ ٹیم ئِ فائنل اٹی جاگہ جوڑ کننگ کن اسہ پین موقع اس ملک و او کوالیفائنگ ٹو نا فاتح ٹیم اتون پنجہ آزما مریک۔ پشاور نا ٹیم ڈیرن سیمی نا سروکی ٹی میدان اٹی دڑنگک و اودے بوم بوم آفریدی ، شکیب الحسن ، مارلون، سیموئلز، کامران اکمل، تمیم اقبال، محمد حفیظ ، وہاب ریاض نا خذمت دوئی مریک۔ کوئٹہ گلیڈی ایٹر نا سروکی نا فرض ئِ سرفراز احمد انجام ایتک وخت اس کہ ایلو نمان گوازی گرتیٹی کیون پیٹرسن ، رلی روسوو احمد شہزار اوار ئُ۔ ٹورنامنٹ نا ارٹ میکو کوالیفائنگ فائنل مصباح الحق نا اسلام آباد یونائیٹڈ و سنگاکارانا کراچی کنگز نا نیام اٹ (پگہ) چارشنبے آ شارجہ ٹی گوازی کننگک۔
