اسلام آباد۔ 23 فروری (اے پی پی) پانیئر سیمنٹ لمیٹڈ سال 2016ءنا آخریکو سہ ماہی ٹی 799 ملین روپئی نا خالص کٹیا کرینے۔ ہنداوڑ اکتوبر آن دسمبر نا وخت کمپنی نا کٹیا ٹی 43درسد نا ودکی ریکارڈ کننگانے۔ کمپنی نا مالیاتی حساب وکتاب نا رداٹ سال 2015ءنا ہندا وخت اٹی کمپنی ئِ 557 ملین روپئی نا کٹیا دوئی مسوسس۔ کمپنی نا خالص کٹیا ٹی مروک آ ودکی ٹی فی حصص کٹیا اکتوبر آن دسمبر 2015ءنا 2.45روپئی کٹیا نا مقابلہ ٹی اکتوبر آن دسمبر 2016ءٹی 3.52روپئی فی حصص اسکان ودا۔ رپورٹ نا رداٹ اینخو مالی سال 2016-17ءنا اولیکو شش تو اٹی کمپنی 1.5ارب روپئی نا خالص کٹیا کرینے وخت اس کہ مالی سال 2015-16ءنا ہندا وخت اٹی کمپنی ئِ 988 ملین روپئی نا کٹیا کریسس۔ ہندا وڑ کمپنی نا کٹیا ٹی 52 درسد نانمان ودکی ریکارڈ کننگانے۔
