اسلام آباد ۔ 3 اپریل (اے پی پی) مزن وزیر عمران خان ءَ گوشت کہ آر ایس ایس لیکہ ءِ منوک انت بی جے پی سروک مسلمان آنی ھلاپ ءَ ناروائیں زبان کارمرد کنگ ءَ انت۔ آدینگ ءِ روچ ءَ وتی ٹویٹ ءَ آئی ءَ گوشت کہ آر ایس ایس ءِ لیکہ ءِ منوک انت بی جے پی ءِ سروک 21 بیست ءُ یکمی کرن ءَ 20 کروڑ مسلمان آنی ھلاپ ءَ تل پچی ءَ ناروائیں زبان کارمرد کنگ ءَ انت۔ مزن وزیر ءَ وتی ٹویٹ ءَ بی جی پے ءِ سروک سبرامنیم سوامی ءِ استیں ویڈیو کلپ ھم شئیر کتگ ایشی ءِ تہ ءَ آ وتی گلگدار ءِ تہ ءَ ملسمان آنی ھک آنی نہ منگ ءِ تل پچی ءَ مکن ءُ بُکگ جنگ ءَ انت۔ ویڈیو کلپ ءِ تہ ءَ سبرامینیم سوامی اے گوشگ ءَ انت کہ ” ملک ءِ گیشتریں مردم آئی ءِ ترندیں لیکہ آناں من انت” بی جی پی ءِ سروک ءَ اسلامی لیکہ ءَ را ھم ایراد گران ءَ گوشتگ کہ ” اگاں مسلمان 30 درسد بہ بنت گڈا ملک ترس ءُ بیم ءِ آماچ بیت۔
