اوگانستان ءِ دفاع ءِ وزارت ءَ پاکستان ءِ سرا جتگیں الزام رد کتگ انت، صوبائی وزیرِ میر ظہور احمد بلیدی

کوئٹہ۔ 28 ستمبر (اے پی پی): بلوچستان ءِ صوبائی منصوبہ بندی ءُ دیمروئی ءِ  وزیرِ میر ظہور احمد بلیدی ءَ نوریستان ءِ وئیل ءِ بابت ءَ اوگان دفاع ءِ وزارت ءِ نیمگ ءَ پاکستان ءِ سر ءَ جتگیں الزام آنی سر ءَ سک رد کتگ ءُ گوشتگ کہ گوستگیں دو دہائی ءَ چہ پاکستان وت ناشرکاری ءِ آماچ بوتگ۔ آئی ءَ ایکس (ایکس) ءِ سر ءَ وتی پیغام ءَ گوشت کہ پاکستان ءِ سر ءَ الزام آناں یک پیم کنگ ءِ بدل ءَ اوگان واکدار آناں معتبر ءُ تصدیق ءِ لائکیں شواہد ءِ شوھازگ ءُ اوگان سرزمین ءَ چہ کار کنوکیں سرجمیں ناشرکاریں گل آنی ھلاپ ءَ کارروائی ءِ لائکیں گامگیج چست کنگ لوٹ ایت۔ آئی ءَ گوشت کہ دمگی ایمنی ءِ واستہ حقیقت، ذمہ واری ءُ وت مہ وتی کمک المی انت بے بنیں الزام نہ انت۔ پاکستان ءِ سلاہ بندیں اُرداں ناشرکاری ءِ ھلاپ ءَ مدام جنگ کتگ ءُ انگت ھم ایشی ءِ ھلاپ ءَ جنگ ءَ ھوار اَنت ءُ دمگ ءِ امن ءُ ایمنی ءِ ھاترا وتی کرد ءَ پیلو کنگ ءَ اَنت۔ اوگانستان ءِ وزارت دفاع ءَ دعویٰ کتگ کہ نوریستان ءِ ضلع کامدیش ءَ 28 جنگول بیران ءُ 32 ٹپیگ بوتگ اَنت ءُ اے مردمانی سر ءَ پاکستان ءَ چہ آیگ ءِ الزام جتگ ءُ پاکستان ءِ کمک ءِ الزام جتگ۔ بلے پاکستان ءِ وزارت ءِ ھال ءُ اھوال ءَ اے گپ رد کتگ اَنت ءُ بے بن لیک اِتگ اَنت۔ میر  ظہور بلیدی  ءَ اے گپ ءِ پدر کنگ ءَ گشتگ کہ پڑ  ءَ مھکمیں  امن ءِ ھاتر ءَ الزام ءِ سرا تصدیق ءِ لائکیں شواہد، ذمہ واریں رویہ ءُ یکے دومی ءِ کمک ءَ را ترجیح دیگ بہ بیت۔