راکٹ اُرش ءَ جنین ءُ زھگانی بیرانی ءِ ھال دلپدرد انت،  صوبائی وزیرمیر ظہور

کوئٹہ۔ 28 ستمبر (اے پی پی): بلوچستان ءِ صوبائی وزیر منصوبہ بندی ءُ دیمروئی میر  ظہور احمد بلیدی  ءَ یک لوگے ءِ سرا راکٹ ءِ اُرش ءَ زالبول ءُ زھگانی بیرانی ءِ ھالانی سر ءَ دلپدردی ءُ دلپدردی درشان کتگ۔ سوشل میڈیا پلیٹ فارم فارم ایکس ءِ سر ءَ وتی کلوہ ءِ تہ ءَ میر  ظہور بلیدی  ءَ گوشت کہ ھاسیں رنگ ءَ زالبول ءُ زھگانی جانی تاوان ءِ ھال سک دلپدرد ءُ دل تورین انت۔ آئی ءَ گوشت کہ شہری آبادی ءِ رکھینگ ھاسیں رنگ ءَ زالبول ءُ زھگ آنی جان سلامتی ءَ را ہر وڑ ءَ اولیت دیگ بہ بیت۔ میر  ظہور بلیدی  ءَ گشتگ کہ لوگ ءُ سیمسر ءِ دیوال ءِ شرپ  ءِ لگتمالی انسانی قدر ءُ قیمتانی ھلاپ انت ءُ ہمے رنگ ءَ بلوچ دود ءُ ربیدگ ءُ چاگردی رہبندانی خلاف انت۔ آئی ءَ گوشت کہ اے رنگیں وئیل آنی سرجمی ءَ پٹ ءُ پول کنگ بہ بیت، زمہ واریں مردم  آنی پجار کنگ بہ بیت ءُ کانود ءِ رد ءَ کاروائی کنگ بہ بیت، دیمترا اے رنگیں وئیل آنی گر ءُ دارگ ءِ واستہ جوانیں  گامگیج کنگ بہ بیت۔