فیلڈ مارشل سید عاصم منیر، امریکی اوگانستان جنگی کمیشن ءِ مزن تک ءِ ڈل ءَ گند ءُ نند کتگ، دمگ ءِ سرجمیں ایمنی ءِ جاور ھال ءِ سر ءَ گپ ءُ تران کتگ ایشی ءِ تہ ءَ وت مہ وتی مفاد ءِ کلیدی جیڈھ آنی سر ءَ گپ ءُ تران

راولپنڈی ۔28ستمبر  (اے پی پی): امریکی اوگانستان جنگی کمیشن ءِ مزنیں تک ءِ ڈل ءَ جنرل ہیڈ کوارٹر راولپنڈی ءَ چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر ءَ گوں گند ءُ نند کت۔ اے ڈل ءِ سروکی کمیشن ءِ شریکیں چیئرمین شمیلہ این چوہدری  ءُ  ڈاکٹر کولن ایف جیکسن  ءَ کتگ ات۔ انٹر سروسز پبلک ریلیشنز ءِ رد ءَ امریکی ڈل اوگانستان ءَ امریکی آپریشنل ھوار بوھگ ءُ کارانی 20سال ءِ چار ءُ تپاسی ءَ کنگ ءَ اِنت۔ گند ءُ نند ءِ ساھت ءَ وت مہ وتی دلچسپی ءِ ھاسیں جیڈھ، دمگ ءِ سرجمیں ایمنی ءِ جاور، اوگانستان ءِ نوکیں دیمروئی ءُ پاکستان ءِ نیمگ ءَ داتگیں کمک ءِ سر ءَ سرجمی ءَ گپ ءُ تران کنگ بوت، ایشی ءِ تہ ءَ کمیشن ءِ مینڈیٹ ءِ ھوالگ ءَ ھاسیں دلگوشی دیگ بوت۔

اے موہ ءِ سر ءَ تران کنان ءَ فیلڈ مارشل سید عاصم منیر ءَ سیکورٹی ءِ سبب آنی ھوالگ ءَ پاکستان ءِ موقف ءِ سر ءَ زور پر دات کہ ایشی ءَ چہ جیڈھ ءِ سبب بوتگ ءُ اوگانستان ءِ دراجیں جیڈھ ءِ وھد ءَ پاکستان ءَ را دیم ءَ اتکگیں سنگینیں چیلنج آنی سر ءَ چمشانک دات۔ آئی ءَ اے گپ ءِ سر ءَ زور پر دات کہ دمگی چمشانک ءُ پاکستان ءِ زمینی تجربگ جیڈھ ءِ اسٹریٹجک، سفارتی ءُ فوجی تک آنی گواچنی  ارزشت ءِ واستہ المی انت۔ امریکی ڈل ءَ دراجیں اوگان جیڈھ ءِ وھد ءَ پاکستان ءِ کلیدی کرد ءُ بے دروریں قربانی آناں من اِت ءُ پڑ ءَ برجمیں امن ءُ ایمنی ءِ واستہ پاکستان ءِ برجاھیں کوشست آناں ساڑات۔