اسلام آباد۔ 03اپریل (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ سول و عسکری سرکڑدہ غاک پاکستان نا الس ءِ کروناآن رکھ تخنگ کن سنبرینگوک ءُ۔ اسہ قوم اس جوڑ مرسا دا ہلوک آ وائرس نا مقابلہ ءِ کروئی ءِ۔ جمعہ نادے آ تینا ٹویٹ اٹی خصوصی کمکار ڈاکٹر فردوس عاشق اعوان پارے کہ وزیراعظم عمران خان اینو نیشنل کمانڈ اینڈ آپریشن سینٹر نا دورہ ءِ کیک، آرمی چیف جنرل قمر جاوید باجوہ اوڑتون اوار مریک۔
