اسلام آباد۔ 03اپریل (اے پی پی) وزیر خارجہ مخدوم شاہ محمود قریشی پارینے کہ داوخت آ مچ آ دنیا کوروناوائرس نا دین انا جہانی چیلنج اتون مون تننگ ءِ و بھارت دا مشکل حالیت آتے ٹی کشمیری تے آسراتی تننگ نا جاگہ غا ہموڑے ڈومیسائل کانود اٹی بدلی کننگ ءِ۔ بھارت نا داگام گیج ، سیٹیزن ترمیمی ایکٹ آنبار اسہ بے کچ جھیڑہ ئی ءُ گام اسے۔ جمعہ نادے آ ساڑی آ بھارتی گام گیج نا بابت اہم ویڈیو بیان اٹی وزیر خارجہ پارے کہ ہراتم دنیا نا چکار کوروناوائرس نا تالانی ءِ توننگ نا کنڈآٹے بھارت داآڑاٹ ہندن ءُ گام گیج کننگ ءِ ہرابے سوب ءُ۔ داوخت آ مچ آ دنیا کشمیری سرکڑدہ و ہزار آتاکچ اٹ کشمیری ورناک بھارتی جیل تیٹی نظربندءُ۔ اوپارے کہ بھارت دا مشکل حالیت آتے ٹی کشمیری تے آسراتی تننگ نا جاگہ غا، اوفتے خور و دوائی تا فراوانی نا جاگہ غا ہموڑے ڈومیسائل کانود اٹ بدلی کننگ ءِ۔ وزیر خارجہ پارے کہ بھارت نا کنڈآن ڈومیسائل نا دوئی کننگ نا قاعدہ ٹی بدلی دراصل اوفتا آبادیاتی تناسب ءِ بدل کننگ نا ایجنڈاءِ ہرادے او ایسر اسکان سرکننگ خواہک۔ غٹ کشمیری سرکڑدہ بشمول پاکستان بھارت نا دا گام گیج ءِ یکسر مسترد کرینو۔ اوپارے کہ ای سیکرٹری جنرل اقوام متحدہ ءِ ہم بھارت نا دا غیرکانودی، غیر آئینی گام گیج آن معلومدار کرینٹ، و اودے دانا دمدستی نوٹس ہلنگ نا خواست کرینٹ۔ سیکرٹری جنرل اقوام متحدہ باوری کرفینے کہ او دا پوسکن آ قاعدہ نا مسودہ ءِ بٹنگسا دانا جاچ ءِ ہلیک۔ بھارت نا داگام گیج ، سیٹیزن ترمیمی ایکٹ آںبار اسہ بے کچ جھیڑہ ئی ءُ گام اسے ہرادے اگہ توننگتو تو مقبوضہ جموں و کشمیر اٹی حالیت آتا پین خراب مننگ نا گمان ءِ۔
