وزیراعظم محمد نواز شریف گلگت بلتستان نا شونداری کن پرعزم ئِ
اسلام آباد۔ 23 فروری (اے پی پی) بنجائی وزیر امور کشمیر و قطبی علاقہ جات چوہدری محمد برجیس طاہر پارینے کہ وزیراعظم محمد نوازشریف گلگت بلتستان نا شونداری کن پرعزم ئِ ۔ ریڈیو پاکستان نا رداٹ گلگت بلتستان اٹی اڈ تروک آ دود آن تران کرسا بنجائی وزیر امور کشمیر و قطبی علاقہ جات پارے کہ وزیراعظم پاکستان ملک انا ایلو علاقہ غاتا شونداری و شونہالی آنبار گلگت بلتستان ئِ ہم شونداری ہلوک علاقہ غاتا بریبر اتنگ کن پرعزم ئِ ۔ اوپارے کہ حکومت نلتر نا علاقہ ٹی توانائی نا کاختی نا مون ئِ توننگ کن چار ہائیڈرو پاور پروجیکٹ نا جوڑ جاڑ کن 2 ارب روپئی نا فنڈ انا منظوری ئِ تسنے ۔ برجیس طاہر پارے کہ وزیراعظم نا پارت آ مچ آ صوبہ ٹی تھری جی و فورجی انٹرنیٹ نا سروس ئِ ہم زوت فراوان کننگک۔

متعلقہ مضامینمصنف کی طرف سے مزید