اسلام آباد۔1جولائی (اے پی پی):مزن وزیر محمد شہباز شریف ءَ ایران ءِ سفارتخانہ ءِ تر ءُ تاب کتگ ءُ ایران ءِ گوما پاکستان ءِ ھمدردی ءُ یکوئی ءِ پدر کنگ ءَ ایران ءِ سر ءَ اسرائیل ءِ گوستگیں زوراکی ءِ وھد ءَ شھید ءُ ٹپی بوتگیں مردمانی واستہ ایران ءِ الس ءُ حکومت ءَ گوں دلپدردی ءِ درشانی کتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءَ سئے شمبے ءِ روچ ءَ اسلام آباد ءَ اسلامی جمہوریہ ایران ءِ سفارتخانہ ءِ تر ءُ تاب کتگ ءُ ایران ءِ سفارتخانہ ءِ نیمگ ءَ ایران ءِ ھلاپ ءَ ایران ءِ شھید بوتگیں مردمانی یات ءَ وتی تاثرات نبشتہ کتگ اَنت۔ آئی ءِ ھمراھی ءَ نائب مزن وزیر ءُ دری کارانی وزیر محمد اسحاق ڈار، مزن وزیر ءِ مشیر طارق فاطمی ءُ سیکرٹری درئی کار ھم ھوار بوتگ اَنت۔ سفارتخانہ ءَ سر بوھگ ءِ وھد ءَ مزن وزیر ءَ را پاکستان ءَ ایران ءِ سفیر رضا امیری مقدمم ءُ سفارتخانہ ءِ مزنیں باسک آنی نیمگ ءَ وش اتک کنگ بوت۔ مزن وزیر ءَ اے گرانیں وھد ءَ ایران ءِ گوما پاکستان ءِ ھمدردی ءُ یکوئی ءِ درشان کت ءُ ایران ءِ الس ءُ حکومت ءِ گوما دلپدردی ءِ درشان کت۔ آئی ءَ ایرانی راج ءِ سدکی ءُ دلیری ءِ ستا کرتگ ءُ شھید ءُ ٹپیگ آنی زوت جان سلامتی ءِ دعا کتگ۔ پاکستان ءِ ایران ءِ برجاھیں کمک ءِ دل یکیمی کنان ءَ مزن وزیر ءَ ایران ءِ سروک آیت اللہ علی خامنہ ای ءُ صدر ڈاکٹر مسعود پزیشکیان ءِ ھم نیکیں واھگ آنی درشانی کت۔
