اسلام آباد۔1جولائی (اے پی پی):مزن وزیر محمد شہباز شریف ءَ نوکیں مالی سال ءِ اولی روچ ءَ پاکستان اسٹاک ایکسچینج 100 انڈیکس ءِ اولی رند ءَ 127ہزار ءِ مستریں کچ ءَ چہ گوزگ ءِ سر ءَ دل یکیمی ءِ درشانی کت ءُ گوشت کہ نوکیں مالی سال ءِ بندات جوانیں ھال ءُ اقتصادی پڑ ءَ سک باز وش اتک کنگ بوتگ۔ سئے شمبے ءِ روچ ءَ مزن وزیر کارگس میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ اسٹاک مارکیٹ 100 انڈیکس ءِ وتی مستریں تک ءَ سر بوھگ اے گپ ءِ درشان اِنت کہ ملک ءِ معیشت ءُ حکومتی پالیشی آنی سر ءَ کاروباری برات ءُ سرمایہ کار آنی بھروسہ روچ پہ روچ گیش ءُ گیوار بوھگ ءَ اِنت۔ مزن وزیر ءَ گوشت کہ گوستگیں مالی سال ءَ حکومت ءِ جوانیں اقتصادی پالیشی آنی سبب ءَ ملک ءِ معیشت ءَ کم کم ءَ جوانیں وشھالی ءِ درشان کتگ، نوکیں مالی سال ملک ءِ معیشت ءِ گہتری ءِ نیمگ ءَ سفر ءِ تہ ءَ سنگ میل ءِ ثابت بیت۔ مزن وزیر ءَ گوشت کہ کاروباری برات ءُ سرمایہ کار آنی شگر ءُ منت وار آں کہ ملک ءِ دیمروئی ءُ وشھالی ءَ حکومت ءِ سرجمی ءَ کمک کنگ ءَ اَنت۔ حکومت ملک ءِ جوانیں کاروباری چاگرد ءَ را دیمروئی دیگ ءُ سرمایہ کار آناں گیشاں چہ گیش آسراتی پجاری ءِ واستہ کار کنگ ءَ انت۔ مزن وزیر ءَ گوشت کہ اے کامیابی ءِ واستہ حکومت ءِ اقتصادی ٹیمب ءَ را ستا کناں۔
