اوغان مہاجر آک 38 سال آن پاکستان اٹی پرامن و سکون نا زند ئِ تدیفنگ ئُ، اوغان طالب علم آتا تعلیم و تربیت کن آسراتی فراوان کننگ انگ ئِ
اسلام آباد۔ 23 فروری (اے پی پی) بنجائی وزیر سیفران لیفٹیننٹ جنرل (ر) عبدالقادر بلوچ پارینے کہ اوغان مہاجرآک گدرینگوک آ 38 سال آن پاکستان اٹی پرامن و سکون نا زند تدیفنگ ئُ۔ ریڈیو پاکستان نا رداٹ کوئٹہ ٹی راہا تربیتی پروگرام نا بنائی دود آن تران کرسا اوپارے کہ اوغان مہاجرآک گدرینگوک آ38سال آن پاکستان اٹی پرامن و سکون نا زند تدریفنگ ئُ ہرافتیان گیشتر تینا اُراتیا پدی ہنانو۔ اوپارے کہ حکومت نا کنڈآن داڑے ساڑی اوغان طالب علم آتا تعلیم و تربیت کن ہم آسراتی فراوان کننگ انگ ئِ ۔ لیفٹیننٹ جنرل (ر) عبدالقادر بلوچ پارے کہ حکومت نا کنڈآن ورناتے بڑزکو معیار نا ٹیکنیکل تربیت تننگ کن راہا تربیتی پروگرام اس جاری کننگ انگ ئِ ہراڑے تربیت دوئی کننگ آن پد ورناک گچین وڑاٹ زند ئِ تدیفنگ کیرہ۔ اوپارے کہ داپروگرام نا بناآن ہڑتوم آ ہمسایہ ملک آتا نیام اٹ تعلقداری تے گچین جوڑ کننگ اٹی کمک رسینگک۔
