اسلام آباد۔1جولائی (اے پی پی):مزنوزیر محمد شہباز شریف ءَ ترکی ءِ صوبہ ازمیر ءَ تباہ کنوکیں جنگل ءِ آتشزدگی ءِ پد ءَ ترکی ءِ الس ءَ گوں ہمدردی ءُ یکوئی ءِ درشانی کتگ ءُ ہر وڑیں کمک ءِ پیشکش کتگ۔ سئے شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ صوبہ ازمیر ءَ جنگل ءِ تباہ کنوکیں آتشزدگی ءَ چہ سک دلپدرد آں ۔ من اے گرانیں وھد ءَ وتی مھروانیں برات صدر رجب طیب اردوان ءُ ترکی ءِ راج ءَ گوں دل ءِ جہلانکی ءَ ھمدردی ءِ درشان کن آں ۔ آئی ءَ گوشت کہ ما امیت ءُ دعا کن ایں کہ آتشزدگی ءَ را کم چہ کم جانی ءُ مال ءِ تاوان ءِ گوما زوت کنٹرول کنگ بہ بیت۔ آئی ءَ گوشت کہ پاکستان وتی دلیر ءُ دلیریں ترک برات ءُ گھار آنی گوما سرجمی ءَ یکوئی ءِ درشان ءَ کنت ءُ اے مشکل ءِ ساھت ءَ ھمک رنگ ءِ کمک ءِ واستہ ساڑی اِنت۔
