وزیراعظم عمران خان تون خصوصی کمکار امور نوجوانان محمد عثمان ڈار نا اوڑدہی

اسلام آباد۔ 02اپریل (اے پی پی) وزیراعظم عمران خان کوروناریلیف ٹائیگر فورس اٹی ورناتا پبی اوار مننگ نا جوزہ غا است جمی نا درشانی ءِ کرسا پارینے کہ مشکل حالیت آتے ٹی ورناتا د جوزہ بے کچ است بڈ و ستاکڑزک۔ آزمائش نا ہر ساہت اٹی مچ آ قوم بالعموم وورناک خاص کر ہر اول دستہ نا کڑد ءِ ادا کرینو۔ داخیال آتا درشانی ءِ او پنچ شنبے نادے آ خصوصی کمکار امور نوجوانان محمد عثمان ڈار تون اوڑدہی ٹی کرے۔ اوڑدہی ٹی خصوصی کمکار وزیراعظم کوروناریلیف ٹائیگر فورس اٹ رضاکارانہ وڑاٹ اوار مننگ نا بابت داوخت اسکان نا پیش رفت انا بارواٹی وزیراعظم عمران خان ءِ معلومدارکرے۔ عثمان ڈار وزیراعظم ءِ پارے کہ داوخت اسکان بیرہ 48گھنٹہ ٹی کم و ود مسہ لکھ ورناکوروناریلیف ٹائیگر فورس اٹ بشخ ہلکونوو دا چرجوئی بے کچ ترندی و جوش و جوزہ اتون برجاءِ۔ خصوصی کمکار وزیراعظم ءِ پارے کہ رجسٹریشن مہم اٹی ملک انا طول و عرض آن ورناک بھاز است خواہی ہلنگ ءُ۔ رجسٹریشن نا عمل 10اپریل اسکان برجاسلک۔ وزیراعظم عمران خان کوروناریلیف ٹائیگر فورس اٹ ورناتا پبی اوار مننگ نا جوزہ غا است جمی نا درشانی ءِ کرسا پارے کہ مشکل حالیت آتے ٹی ورناتا دا جوزہ بے کچ است بڈ و ستاکڑزک۔ اوپارے کہ ورناک داملک انا غٹ آن بھلا میرات ءُ۔ آزمائش نا ہر ساہت اٹی مچ آ قوم بالعموم و ورناک خاص کر ہراول دستہ نا کڑد ءِ ادا کرینو۔