زائر آتے قلات آ گدریفنگ نا خبر آتے ٹی ہچ ءُ راستکی اس اف، صوبائی وزیر داخلہ میر ضیاء اللہ لانگو

کوئٹہ۔ 02اپریل(اے پی پی) صوبائی وزیر داخلہ میر ضیاء اللہ لانگو پارینے کہ زائر آتے قلات آ گدریفنگ نا خبر آتے ٹی ہچ ءُ راستکی اس اف حکومت نا کنڈآن زائر آتے کن مخصوص قرنطینہ ہند جوڑ کننگانے ہراڑے اوفتے تخنگ و غٹ المی آسراتی تا فراوانی ءِ پک کننگ انگ ءِ الس مہالو آن کوروناوائرس نا سوب آن فریشان ءُ بے گرج ہوکا تالان کرسا اوفتے پین فریشان کروک آک بے کچ غیر سنجیدہ رویہ غاتا درشانی ءِ کننگ ءُ ہرا است ہسونی نا سوب ءِ۔ صوبائی وزیر پارے کہ کرونانا ویل نئے سیاست نا ویل ءِ نئے اودے پوائنٹ اسکورنگ کن کاریم اٹ اتنگے داوخت آ یکجامرسا سیوت وسخا اٹ جہانی دین کروناوائرس نا برخلاف جنگ کننگ نا ءِ نن اسٹ مرسا دادین انا خاتمہ ءِ کروئی مریک اوپارے کہ کوروناوائرس ناتوننگ و دانا تالانی ءِ توننگ کن حکومت پبی گام گیج کننگ ءِ ہراٹی الس حکومت تون تفنگ ءِ ہنداخاطرآن دابابت آن منفی بیان ترسا نئے الس ءِ غیر ضروری فریشان کننگے و نئے حکومتی گام گیج آتا کسر اٹ اڑاند مننگ نا کوشست کننگے صوبائی وزیر الس آن ہم خواست کرے کہ او داوڑنا ہوکا تیا خف توپس و حکومتی گام گیج آتیا بھروسہ کیر۔ کرونانا داوخت اسکان الحمد اللہ قلات اٹ ہچ ءُ کیس اس رپورٹ متنے ، ہندی خلقت است جم مرے، حکومتی کہول آ ہچ ءُ دُن ءُ فیصلہ اس کننگتنے ، الس وائرس آن بچنگ ناغٹ احتیاطی تدابیر آتیاعملدرآمدءِ پک کرسا تینے و دامون ایمون نا خلقت ءِ دا دین آن رکھ تخر۔