وزیرسائنس و ٹیکنالوجی فواد چوہدری نا میڈیا تون گپ وتران

اسلام آباد۔ 02اپریل (اے پی پی) وزیر سائنس و ٹیکنالوجی فواد چوہدری پارینے کہ نسٹ کوروناکٹس، سینی ٹائزر و ڈرون تیار کرینے، منہ ہفتہ ٹی نن یک ونیم لکھ کٹس جوڑ کننگ نا قابل مرینہ۔ پنچ شنبے نادے آ نسٹ انا دورہ ءِ کننگ ناوخت آ میڈیا تون گپ وتران کرسا اوپارے کہ دا ہمو رویہ ءِ ہرادے نن یونیورسٹی تیان خوانہ۔ اوپارے کہ اینو اسکان پاکستان اٹ پیشن آن کوروناکٹس درآمد کننگ انگ ءِ ولے داسہ نسٹ کوروناکٹس جوڑکرسا ڈریپ آ گدریفنگ ءِ۔ ڈریپ انا کنڈآن منظوری آن پد نن دافتے کاریم اٹ اتنگ نا قابل مرینہ۔ اوپارے کہ منہ ہفتہ ٹی نن یک ونیم لکھ کٹس جوڑ کننگ نا قابل مرینہ۔ بنجائی وزیر پارے کہ پاکستان انجینئرنگ کونسل ءِ وینٹی لیٹرز آتا48ڈیزائن ملانے وخت اس کہ انجینئرنگ کونسل اِرا ڈیزائن منظور کرسا ڈریپ آ گدریفے۔ ہنداوڑ بھاز زوت پاکستان وینٹی لیٹرز برآمد کننگ نا قابل مریک۔