جوڑیشتی پڑ ءَ را پچ کنگ ءِ پیسلہ کتگ، کورونا ءِ گوما مزور آنی شد، بزگری ءَ را بچارینگ سک باز المی انت، مزن وزیر عمران خان

اسلام آباد ۔ 2 اپریل (اے پی پی) مزن وزیر عمران خان ءَ گوشت کہ جوڑیشتی پڑ ءَ را پچ کنگ ءِ پیسلہ کتگ، کورونا وائرس ءِ گوما ھمروچگیں کٹ کنوکیں مزور آنی شد، بزگی ءُ بے روزگاری ءَ بچارینگ سک باز المی انت، حکومت کاروبار دوستیں جاور پجارینگ ءِ واستہ جزمیگ انت، صنعتی شوبگ ءِ دیمروئی ءِ واستہ ھمک رنگیں گامگیج کنگ بوھگ ءَ انت۔ وزارت ءِ تجارت ءُ صنعبت ءُ کاروبار ءِ ھوالگ ءَ گامگیج سہرا کنگ ءِ واستہ تاجر سروک آں گوں ھمک روچی بنیات ءَ شور ءُ سلاھ کتگ، کورونا وائرس ءَ چہ پیداک بوتگیں جاور ھال آنی رد ءَ بے روزگار بوھوکیں یک کرور 20 لکھ مردم آناں احساس پروگرام ءِ چیر دستی ءَ 12 ہزار کلدار دیگ بیت۔ اے ھیالانی درشانی آئی ءَ پنچ شمبے ءِ روچ ءَ تاجر برات آنی ٹیکس ریفنڈ ءِ چیک آنی بھر ءُ بانگ کنگی مراگش ءَ گوں گشتانک دیان ءَ کت۔ مزن وزیر ءَ گوشت کہ ملک ءَ کاروبار ءِ دیمروئی ءِ واستہ جتا جتائیں پیکجز دیگ بیت۔