مزن وزیر ءَ بزگریں مردم آنی گس ءَ ھمروچگیں وردن ءُ وراکی سامان آنی پجاری ءِ زمہ واری اے ورنا آنی کوپگ آں داتگ ھما کہ چاگردی کار آنی پڑ ءَ عمران خان ءِ گوما ھمکوپگ بوتگ انت، ڈاکٹر فردوس عاشق اعوان

اسلام آباد ۔ 02اپریل (اے پی پی) مزن وزیر عمران خان ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ گوشت کہ چاگردی ازمت آنی پڑ ءَ ورنا آنی مدام سہرائیں کرد پیلو کتگ، ورنا جوانیں رنگ ءَ بنی آدم آنی ازمت ءَ کناں، مزن وزیر ءَ بزگریں مردم آنی گس ءَ ھمروچگیں وردن ءُ وراکی سامان آنی پجاری ءِ زمہ واری اے ورنا آنی کوپگ آں داتگ ھما کہ چاگردی کار آنی پڑ ءَ عمران خان ءِ گوما ھمکوپگ بوتگ انت، ٹائیگر” ءِ گپ ءَ را اچ کسے سیاسی گل ءِ گوما بندوک کنگ مہ بیت۔ پنچ شمبے ءِ روچ ءَ وتی ٹویٹ ءَ ڈاکٹر فردوس عاشق اعوان ءَ گوشت کہ چاگرد ءِ ازمت کنوکیں ورنا ٹائیگر انت، عمران خان ءَ ھما انت ایشاناں ٹائیگر نامینتگ، ھما وھد ءَ آ سیاست کنگ ءَ نہ بوتگ انت۔ ھمے ورنا شوکت خانم ہسپتال ءِ جوڑیشت ءَ درستاں چہ پیسر بوتگ انت، ایش کسے یے علاج ءَ سیاست نہ کن انت۔ آئی ءَ گوشت کہ توامیں سیاسی گل آں گوں دزبندی انت کہ اے "ٹائیگر” ءِ مٹ ءَ کاز” بزانت ءَ را ارزشت بدینت۔ ڈاکٹر فردوس عاشق اعوان ءَ گوشت کہ مارا یک ٹیمبے ءِ رنگ ءَ کرونا وائرس ءِ ھلاپ ءَ جنگ کنگ ءُ ایشرا شکست دیگی انت، ورنا راجی ازمت آنی رد ءَ عمران خان ءَ گوما ھمکوپگ بوہان ءَ وتارا سٹیزن پورٹل ءِ تہ ءَ رجسٹر بکنائین انت۔