کورونا وائرس ءِ شوہاز ءُ گر ءُ دار ءِ واستہ دگہ 14 ٹن سامان چین ءَ چہ پاکستان ءَ پج ات

اسلام آباد ۔ 02اپریل (اے پی پی) کورونا وائرس ءِ شوہاز ءُ گر ءُ دار ءِ واستہ دگہ 14 ٹن سامان چین ءَ چہ پاکستان ءَ پج اتگ، اے رد ءَ پی آئی ءِ اولی جہاز 777 پنچ شمبے ءِ سہب ءَ چین ءَ چہ 14 ٹن سامان زوران ءَ اسلام آباد ءَ پج اتگ۔ نیشنل ڈیزاسٹر مینجمنٹ اتھارٹی ءِ ترجمان ءِ رد ءَ سامان آنی تہ ءَ 100 تھرمل سکینر ءُ دگہ زاتی رکھینگی سامان لوٹ کنگ بوتگ۔ زاتی رکھینگی سامان آنی کساس 9 لکھ ماسک، 60 ہزار رکھینگی چشما ءُ 33 سد ءَ چہ گیش رکھینگی سوٹ انت، ایشی ءَ چہ ابید آیوکیں سامان آنی تہ ءَ دو لکھ ءُ نیم دستانہ ءُ تھرما میٹر ءُ دگہ سامان ھوار انت۔ یات دارگ بہ بیت کہ نیشنل ڈیزاسٹر مینجمنٹ اتھارٹی ءِ چیئرمین لیفٹیننٹ جنرل محؐد افضل ءَ گوشت کہ کورونا وائرس ءَ چہ رکھینگ ءِ واستہ فرنٹ لوئن ءِ سر ءَ استیں ڈاکٹر، نرس ءُ ایندگر پیرامیڈیکل اسٹاف ءِ زاتی رکھینگی سامان آنی پجاری کنگ بوتگ، لیبارٹریز آنی کساس ءُ ٹیسٹ کنگ ءِ کار رپک ءِ تہ ءَ گیشی کنگ ءِ واستہ زوتیں رد ءَ گامگیج کنگ ءَ آں، آیوکیں لستیں روچاں وینٹی لیٹرز، واک تھرو گیٹس، رکھینگی کٹس ءُ جراسیم اسپرے ءَ ھوار ضلوری ایں سامان پاکستان ءَ پج انت۔