راجی رابطہ کمیٹی ءَ 17 گراب آناں چست بوہگءِ منظوری داتگ

مئے اولی دلگوشی ٹرانزٹ ءَ گٹ بوتگیں پاکستان ءِ مردماں واتر آرگ اِنت، مخدوم شاہ محمود قریشی

اسلام آباد ۔ 02اپریل (اے پی پی) دری کارانی وزیر شاہ محمود قریشی ءَ گشتگ کہ راجی رابطہ کمیٹی ءَ 17 گراب بال کنگ ءِ منظوری داتگ۔ مئے اولی دلگوشی ٹرانزٹءَ گٹ بوتگیں پاکستانی آں واتر ملک ءَ ارگ اِںت۔ پنچ شمبےءِ روچءَ دری کارانی وزیرءَ سرجمیں دنیاءَ پہ وتی ملک ءَ واتر بوہگءِ وداریگیں پاکستانی آں واترملکءَ آرگ ءِ ہوالگءَ بیان ءَ گشتگ کہ بازیں پاکستانی ڈنی ملک آں اَنت ءُ وتی ملکءَ واتر کنگ لوٹاں، دری کارانی وزیرءَ گشتگ کہ مزن وزیر عمران خان ءِ سروکی ءَ راجی رابطہ کمیٹی ءَ 17گراباں بال کنگءِ منظوری داتگ۔ ما اے پاکستانی آں واتر ملک ءَ کاراں۔ دری کارانی وزیر ءَ گشتگ کہ 4تاں 11 اپریل ءَ میاں اوستمانی گرابانی شیڈول ءِ جار جتگ، مارا اے درائیں مسافرآناں ائیرپورٹ ءَ کرونا ءِ تپاس کنگ بیت پہ ہمیں ھاترءَ ما وتی ٹسٹنگ ءُ کوارنٹائین ءَ را گیش کنگ ءَ اَنت۔ شاہ محمود قریشی ءَ گشتگ کہ پروٹوکول ءِ سرءَ سرجم ءَ عملدرآمد کنگ بیت گڑا پہ کراچی ءِ ھاترءَ ہم گراب پچ کنگ بنت۔