جاپان ءِ سفیر کونینوری متسودا ءِ مزن وزیرءِ جانءُ سلامتی ءِ حاسیں پڑ ڈاکٹر ظفر مرزا ءَ گوں گندءُ نند

اسلام آباد ۔ 2 اپریل (اے پی پی) جاپانءَ کورونا وائرس ءَ را گِرءُ دار کنگءِ ھاترءَ پاکستانءِ حکومتءَ را 2.16 ملین ڈالردیئگ بوتگ۔ اے گپ پنچ شمبےءِ روچءَ مزن وزیر ءِ جانءُ سلامتی پڑءِ کمک کار ڈاکٹر ظفر مرزا ءَ گوں جاپان ءِ سفیر کونینوری متسوداءَ گندءُ نندکنانءَ کتگ۔ گندءُ نندءَ پاکستان ءَ کورونا وائرس انوگیں جاورھالانی سرءَ ھیالءُ لیکہ ءِ درشانی کنگ بوتگ۔ مزن وزیر ءِ حاسیں کمک کار ڈاکٹر ظفر مرزا ءَ گشتگ کہ پاکستان ءَ کورونا وائرس ءَ چہ رکینگ ءِ ھاترءَ جوانیں ءُ اثرمندیں گامگیج کتگ۔ آئیءَ گشتگ کہ مزن وزیر ءَ گشتگ کہ مزن وزیر عمران خان اے جاورھالانی وت سرپانکی ءَ کنگ ءَ اِنت۔ اے موہءَ گپءُ تران کتگءُ جاپانی سفیر ءَ گشتگ کہ جاپان ءَ کورونا وارئس ءَ را گرءُ دار کنگءِ ھاترءَ پاکستانءَ را 2.16 ملین ڈالرداتگ۔ آئیءَ گشتگ کہ کورونا وائرس ءِ گرءُ دار کنگءِ ھاترءَ پاکستان ءِ گامگیجءُ کوشست لکھ ستاہ کرز اَنت۔