پاکستان ءَ برطانوی ہائی کمشنر ءِگوں مزن وزیر ءِ حزانگءِ صلہ کار ڈاکٹر عبدالحفیظ شیخ ءَ گندءُ نند

اسلام آباد ۔ 2 اپریل (اے پی پی) ماں پاکستان ءَ برطانیہ ءِ ہائی کمشنر کرسٹیان ٹرنر ءَ گشتگ کہ اگاں ضلورت بوت برطانیہ پہ میاں اوستمانی دیمروئی ءِ ھاترءَ برطانوی ادارگ ڈی ایف آئی ڈی ءِ وسیلگءَ پاکستانءِمددءُ کمک کنگءَ ساڑی اِنت، میاں اوستمانی پدمنتگی ءِ اے وہدءَ گوں پاکستانءَ وتی سیادی ءَ را گیش محکم کنگءِ ھاترءَبرطانیہ پاکستان ءِ اُلس ءَ گوں کوپگ اِںت۔ آئی ءَ اے گپ مزن وزیرءِ حزانگ ءِ صلہ کار ڈاکٹر عبدالحافظ شیخ ءَ گوں گندءُ نندکنانءَ کتگ۔ ڈاکٹر عبدالحافظ شیخ ءَ کرونا وائرس ءِ وبا ءِ سوبءَ برطانیہ ءَ بوتگیں جانی نقصان بوہگءَ پاکستان ءِ نیمگءَچہ دلپدردیءِ درشانی کتگ۔ آئیءَ گشتگ کہ اے پہ سرجمیں دنیا ءِ ملک آنی ھاترءَ چکاسءِ وہد اِںت ءُ ایشی ءِ نتیجگءَ جانی نقصان آنی سرءَ سک باز تکانسری اَست۔ برطانوی ہائی کمشنر ءَ گشتگ کہ برطونویہ ءِ حکومت اُلسءَ را ریلیف سرکنگ ءِ ھاترءَ پاکستان ءِ حکومت ءِ کوشستاں ساڑائیت۔ آئیءَ گشت کہ اگاں ضلورت بوت برطانیہ میاں اوستمانی دیمروئی ءِ ھاترءَ برطانوی ادارگ ڈی ایف آئی ڈی ءِ وسیلگءَ پاکستان ءِ مددءُ کمک ءَ کنگءَ ساڑی اِنت۔ آئی ءَ گشتگ کہ میاں اوستمانی پدمنتگی ءِ اے وہدءَ پاکستان ءَ گوں وتی سیادی ءَ گیش محکم کنگءِ ھاترءَ برطانیہ پاکستان ءِ اُلسءَ گوں ہم کوپگ اِںت۔ مزن وزیر ءِ صلہ کار ءَضلورت ءِ وہدءَ ہمراہ داری ، مددءُ کمک کنگءَ ہائی کمشنر ءِ شکرءُ منت گپتگ۔