اسلام آباد۔ 01اپریل (اے پی پی) وزیراعظم عمران خان پارینے کہ کوروناوائرس نا دین انا برخلاف جنگ اٹ کمک کن کوروناوائرس ریلیف فنڈ 2020ء ءِ جوڑ کننگانے، ہر بندغ دافنڈ اٹ بایدے عطیہ ایتے۔ چارشنبے نادے آ تینا اسہ ٹویٹ اسے ٹی وزیراعظم پارے کہ ای خواوہ کہ غٹ دا فنڈ اٹی تینا بشخ ءِ شاغر تانکہ ہمو خلقت نا خیالداری مننگ کے ہرافتے لاک ڈاؤن بین نا کنارہ غا ایسونے سرکرینے۔ اوپارے کہ تینا قابل خراج عطیہ غاتے نیشنل بینک آف پاکستان نا کراچی ٹی مرکزی برانچ اٹ اکاؤنٹ نمبر 4162786786آ گدریفر۔اکاؤنٹ نا پورو سرجم و عطیہ غاتا گدریفنگ نا بابت پارت www.nbp.com.pk/covidfund/index.aspx آدستیاب ءِ۔
