وزیراعظم نا خصوصی کمکار سی ڈی اے امور علی نواز اعوان اسلام آباد سوزی منڈی ٹی کورونافری واک تھرو گیٹ انا بناءِ کرے

اسلام آباد۔ 01اپریل (اے پی پی) وزیراعظم نا خصوصی کمکار سی ڈی اے امور علی نواز اعوان چارشنبے نادے آ اسلام آباد سوزی منڈی ٹی کورونافری واک تھرو گیٹ انابناءِ کرے۔ بناءِ کننگ نا وخت آ میڈیا تون گپ وتران کرسا خصوصی کمکار پارے کہ چارکروڑنا خڑچ آن جوڑ مروک دا گیٹ آن اسہ منٹ اٹی 80لکھ بندغ گدرینگ انگ کیرہ وخت اس کہ نن اسلام آباد اٹی داوڑنا 20گیٹ خلنگ نا ارادہ تخنہ۔ اوپارے کہ وزیراعظم عمران خان اسہ کلہو اس تس کہ ہرامحدود ءِ او رکھ ءِ و داکان پد خلقت تینے محدود کننگ نا بناءِ کریر و ننے گڑاس علاقہ غاتے ٹی لاک ڈاؤن نا کنڈآہنوئی تما ہرانا سوب آن خلقت اُراتیٹی گھیڑ مسر، داوڑنا حالیت آتے ٹی نن اسلام آباد اٹی اُراتیٹی تولوک خلقت کن راشن نا بست وبند انا ہم بناءِ کرین۔ داڑتون اوار اوار نن کنٹرول پرائس آ ہڑدے ئی گڑاتا دوئی کننگ کن بست وبند آتا بناءِ کرینن۔ اوپارے کہ واک تھرو گیٹ انا مسخت دادے کہ خوانخواستہ اگہ بندغ اس کورونا یا پین وائرس اسے نا کیئریئر مرے تو اونا پیدواری مرے دُن تو کورونا اسہ پوسکن ءُ وائرس اسے و انسان نا جان آن زیات ہچ ءُ گڑاس اف ہنداخاطرآن نن واک تھرو گیٹ وڑانا احتیاطی تدابیر مسیت و ایلو ہند آتیا ہم اختیار کننگ اُن۔ اوپارے کہ نن غٹ خلقت آن خواست کرینن کہ مچی تیان پاناد کیر ومنہ وخت اکن تینے برام و ایلو غٹ مچی تیان اسہ کنڈ کیر تانکہ نن پاکستانءِ رکھ کننگ کین۔ اودادین انا وخت آ کلہو ترسا پارے کہ الحمد اللہ داسہ خلقت داگڑاءِ پہہ مننگ ءُ و نن تون کمک ہم کننگ ءُ انتئے کہ ہرااُراٹی ءِ او رکھ ءِ۔ اگہ نن احتیاط کینہ تو پاکستان رکھ مریک۔