وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان مچ آ ملک اٹی صحافی و میڈیاورکرز آتا رکھ و سلامتی کن کیئر فار میڈیا ایپ انا بناءِ کرے

اسلام آباد۔ 01اپریل (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان مچ آ ملک اٹی صحافی و میڈیا ورکرز آتا رکھ و سلامتی کن کیئر فار میڈیا نا پن اٹ ایپ انا بناءِ کرینے، دا ایپ مچ آ ملک اٹی کوروناوائرس آن زہمی صحافی و میڈیاورکرز آتا رجسٹریشن کن ءِ۔ چارشنبے نادے آ وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان وزراء اطلاعات ویڈیو کانفرنس اٹی وزراء اطلاعات ءِ معلومدار کرے کہ تدوک آ ویڈٛیوکانفرنس اٹی دا معاملہ زیربحث ئس کہ اگہ صحافی اس یا میڈیاورکرز اس کوروناوائرس آن زہمی مریک تو اوڑکن انت گام اس مننگ کیک، داڑکن فیصلہ کننگاسس کہ صحافی و میڈیا ورکرز اسہ ایپ اس جوڑ کننگک دافیصلہ غا عملدرآمد کرسا صحافی و میڈیا ورکرز آتا سلامتی و رکھ اکن کیئر فار میڈیا ایپ نا پن اٹ تیار کننگانے ہرانا باقاعدہ بناءِ دا ویڈیو کانفرنس اٹ کننگانے، ملک انا ہراکہ بشخ اٹی کوروناوائرس نا زہمی صحافی یا میڈیاورکرز ہراتم دا ایپ آ رجسٹرڈ مریک تو حکومت اونا درمان کن گچین گام گیج آتے پک کیک۔