اسلام آباد/ واشنگٹن ۔ 31 مارچ (اے پی پی) میاں اوستمانی مالیاتی فنڈ (آئی ایم ایف) ءِ انتظامی بورڈ ءَ یک ٹریلین یا 10 کھرب ڈالر ءِ نوکیں دو نیمگی وام آنی منوگری ءِ منظوری دات ایشی ءَ چہ پد آئی ایم ایف ءِ باسکیں ملک آں ھوار کرونا وائرس ءَ چہ آماچیں ملک آناں وام ءُ کمک ءِ پجاری ءِ کشک ءَ پینگ دور کنگ بوتگ انت۔ اے گپ میاں اوستمانی مالیاتی فنڈ ءِ مینجگ ڈائریکٹر کرسٹالیناجوار گیوا ءَ بورڈ ءِ دیوان ءَ چہ پد چاگردی تنج ٹویٹر ءِ سر ءَ جاڑی بوتگیں بیان ءِ تہ ءَ گوشت ۔ آئی ءَ گوشت کہ باسکیں ملک آں آئی ایم ایف ءِ وام دیگ ءِ کار رپک ءَ را یک ٹریلین ڈالر ءَ تاں گیش کنگ ءِ منظوری داتگ ایشی ءَ چہ پد آئی ایم ایف ممبر مملک آناں کرونا وائرس ءِ ھوپ ءَ گوں گر ءُ چیل بوھگ ءُ ایشی ءَ ابید ایندگر ممبر آنی کمک کنگ ءِ پجاری ءَ لائک بوتگ۔ آئی ءَ گوشت کہ میاں اوستمانی مالیاتی فنڈ گروپ 20 مملک آنی تہ ءَ کرونا وائرس ءَ گوں گر ءُ چیل بوھگ ءِ واستہ اے منصوبگ ءِ سرجمیں کمک ءَ کنگ ایشی ءَ چہ جان سلامتی نظام ءَ را گیش مھکم کنگ، میاں اوستمانی معشیت ءَ را برجم کنگ ءِ واستہ جوانیں سیم سر آں سر بوھگ ءُ برجائی ءِ واستہ گامگیج کنگ ءَ انت۔ ایشی ءَ چہ ابید آئی ایم ایف ءِ نیمگ ءَ جاڑی بوتگیں بیان ءِ تہ ءَ گوشت بوتگ کہ آئی ایم ایف ءِ انتظامی بورڈ ءَ نوکیں دو نیمگی وام آنی فریم ورک ءِ منظوری داتگ ایشی ءَ چہ پد آئی ایم ایف ءِ وام آنی دیگ ءِ کار رپک یک غٹریلین ڈالر ءَ تاں گیش بنت۔
