اسلام آباد۔ 31مارچ(اے پی پی) بنجائی وزیر امور کشمیر وگلگت بلتستان علی امین خان گنڈاپور مقبوضہ کشمیر اٹی کوروناوائرس نا ودوک آ کیس آتیا گڑتی نا درشانی ءِ کرسا پارینے کہ اقوام متحدہ و جہانی ادارہ جان جوڑی مقبوضہ کشمیر اٹی حالیت آتا دمدستی جاچ ءِ ہلے۔ سے شنبے نادے آ تینا بیان اٹی اوپارے کہ بھارتی حکومت مقبوضہ کشمیر نا ڈیموگرافی ءِ بدل کننگ نا کوشست کننگ ءِ، انتہاپسند بھارتی حکومت کوروناوائرس نا آڑاٹ تینا مذموم مسخت آتے دوئی کننگ کیک۔ علی امین گنڈاپور پارے کہ جان جوڑی نا آسراتی تا مفننگ آن بھارت کشمیری تا نسل کشی ءِ کننگ ءِ، بھارت بے کنڈہلوک انسانی حق انا ادارہ و میڈیا نا مقبوضہ کشمیر اٹی رسینگ ءِ ممکن کے، بھارت کشمیری بندی تے دمدستی یلہ کے، کشمیری تا حق خودارادیت نا دوئی کننگ آن سویلی ایشیاء ٹی سوگو امن مننگ کیک۔
