اسلام آباد۔ 31مارچ(اے پی پی) حکومت کوروناوائرس نامنفی زہم تیان ملکی زرگزران ءِ گمانی حد اسکان رکھ تخنگ، زرگزرانی سرجزآتا بلاتعطل روانی،وخاص کر لس بندغ نا روزگار نا رکھ ءِ پک کننگ کن جامع حکمت عملی آ عمل کننگ نابناءِ کرینے۔ سرکاری ذرائع نارداٹ وزیراعظم نا پارت آ ساڑی حالیت آتے ٹی لس بندغ ءِ ریلیف فراوان کننگ کن خصوصی گام گیج کننگانے و 8ارب ڈالر نا بھلو ریلیف پیکج اسے نا پڑو ءِ کننگانے وخت اس کہ ملکی زرگزران آ ہڑدے ئی بنداو آ نظر تخنگ و پیشگی گام گیج سلاہ کننگ کن سلاہکار خزانہ ڈاکٹر عبدالحفیظ شیخ نا کماشی ٹی بین الوزارتی کمیٹی سرگرمی اٹ کاریم کننگ ءِ۔ کوروناوائرس نا سوب آن جہانی کہول آ جہانی زرگزران آ تموک آ زہم و داٹی ملکی زرگزرانی حالیت آتے گچین کننگ و الس ءِ زیات آن زیات آسراتی تننگ کن وزیراعظم ہروڑنا گام گیج کننگ ناپارت کرینے تانکہ ملکی زرگزران ءِ کوروناوائرس نا منفی زہم تیان گمانی حداسسکان رکھ تخنگ مرے۔ زرگزرانی سرجزآک بلاتعطل روانی اتون برجاسلر وراج انا نزور و کم کٹیا کروک تپہ غاتے خاص وڑاٹ روزگار و کٹیا نا رکھ فراوان کننگ مرے۔
