اسلام آباد۔ 31مارچ(اے پی پی) بنجائی وزیر سائنس و ٹیکنالوجی چوہدری فواد حسین خبڑدار کرینے کہ مارکیٹ اٹی کوروناوائرس نا بے پک کروک ٹیسٹنگ کٹ آک بھلو کچ اسے ٹی اریر ہرافتا کاریم اٹ اتنگ آن شاری تا زند خطرہ ٹی تمنگ کیک، ہنداخاطرآن ڈریپ انا کنڈآن دا کٹ آتا پک کننگ اسکان پیشن نا ملک آن پک کروک کٹس آتے ہی خواہفنگے۔ سے شنبے نادے آ تینا ٹویٹ اٹی اوپارے کہ ای صوبائی حکومت و نیشنل ڈیزاسٹرمینجمنٹ اتھارٹی (این ڈی ایم اے) ءِ معلومدار کننگ خواہ کہ مارکیٹ آتے ٹی بے پک کروک کوروناوائرس ٹیسٹنگ کٹس آتا بھرمار ءِ۔ اگہ بے پک کروک ٹیسٹ کٹ آتا کاریم اٹ اتنگ آن زہمی بندغ اسے جان جوڑ گوندنگا تو اوڑآن بھاز انگا زند آک خطرہ ٹی تمنگ کیرہ۔ چوہدری فواد حسین پارے کہ ہراوخت اسکان ڈرگ ریگولیٹری اتھارٹی (ڈریپ) پاکستان نا ہندی وڑاٹ جوڑ کروک کٹس آتے پک کپک ہمووخت اسکان بیرہ پیشن نا ملک آتیان بیرہ پک کروک کٹ آتے ہی درآمد کننگے۔
