مہلوک ءِ جان سلامتی مزن وزیر ءِ اولی دلگوشی انت،
اسلام آباد ۔ 30 مارچ (اے پی پی) مزن وزیر ءِ ھاسیں کمکار برائے ھالرسانی ءُ شنگکاری ڈاکٹر فردوس عاشق اعوان ءَ گوشت کہ جان سلامتی ءِ تک مزن وزیر ءِ اولی دلگوشی ءَ ھوار انت۔راستی بیان کنگ ءِ سرا اپوزیشن برانز گپتگ انت،ھساب ءُ کتاب ءِ رداجان سلامتی ءِ تک ءِ دیمروئی گوست ءِ حاکمانی دلگوشی نیست ات۔ایوکا نامانی پلیٹ جنئگ بوتگ ات۔پاکستان ءِ مہلوک ءِ جان سلامتی مزن وزیر عمران خان ءِ اولی دلگوشی انت۔دوشمبے ءَ وتی ٹویٹ ءِ تہ ھاسیں کمکارڈاکٹر فردوس عاشق اعوانءَ گوشت کہ پاکستان تحریک انصاف ءِ حکومت جان سلامتی ءِ ھاترا بجٹ ءِ تہ ودکی اے ھاسیں تک ءِ ءِ مھکمی ءِ ھاترا مئے سنجیدگ کوشستانی آئینہ دار انت،کرونا ءِ چیلنج ءَ گوں دیم دیگ ءِ ھاترا دراھیں وسیلگ کارمرز کنگ بوھگ انت۔ان شاءاللہ اے نادراہی ءِ سرا گرودار آرگ بت۔آہاں گوشت کہ وروکی چیزحقداریں مردمانی گس ءَ سر کنگ ءِ ھاترا اودا کہ مزن وزیر عمران خان ءَ ورناہانی گچینی کتگ اودا مخیر مردماں ہروھد مہلوک ءِ فلاح ءِ ھاترا وتی دل پچ کتگ ات، کور کمیٹی دیوان ءِ تہ یک ایپ دیما آرگ ءِ پیسلہ کنگ بوتگ اودا مخیر مردم ءُ خیراتی ادارگ رجسٹر بنت تنکہ مہلوک ءِ فلاحی کوشستاں را ہم آہنگ کنان ءَ جہلی تبک ءِ تاں راشن ءُ وروکی چیزانی بھرءُ بانگ پہ وھد ءُ ساپ ءُ پلگاریں وڈءَ سر کنگ بنت۔
