اسلام آباد ۔ 30 مارچ (اے پی پی) وزیر ءِ درئی کار شاہ محمود قریشی ءَ گوشت کہ 80 لکھ کشمیری بھارتی لگت مالی ءَ چہ آسودگ بوھگ ءِ واستہ میاں اوستمانی برات ھاسیں رنگ ءَ مسلمان آنی دلگوشسی ءِ وداریگ انت، او آئی سی ءَ را اے جاور ھال آنی سر ءَ نوٹس زورگ لوٹ ایت۔ ءُ جوانیں گامگیج پیلو کنگ ءِ ضلورت انت، ترجمان درئی کارانی کارگس ءِ رد ءَ وزیر ءِ درئی کار ءَ دو شمبے ءَ سیکرٹری جنرل او آئی سی ڈاکٹر یوسف بن احمد اعثمین ءَ ٹیلی فونک رابطہ ءَ کت۔ گپ ءُ تران کنگ ءِ ساھت ءَ کورونا ءِ ھوپ ءِ شنگ ءُ تالان ءَ را دارگ ءِ واستہ او آئی سی ءِ نیمگ ءَ چست کتگیں گامگیج ءُ اے ھوپ ءِ گر ءُ دار ءِ رد ءَ مقبوضہ جموں کشمیر ءِ ھرابھیں جاور آنی ھوالگ ءَ ھیال ریچی کنگ بوت۔ وزیر ءِ درئی کار ءَ کورونا ءِ ھوپ ءَ سرجمیں دگنیا ءَ را گوں وت پتاتگم وزیر ءِ درئی کار ءَ کورونا ءِ ھوپ ءِ گر ءُ دار ءُ او آئی سی ءِ ملک آنی یکجائی گامگیج کنگ ءُ پٹ ءُ پولی ادار گ آنی سائنسدان آنی وسیلگ ءَ اے ھوپ ءَ را پٹ ءُ پول کنگ ءِ ھوالگ ءَ سیکرٹری جنرل او آئی سی ءِ استیں بیان ءَ را وش اتک کت۔ دوئیں سروک آں اے میاں اوستمانی جیڈھ ءِ گر ءُ دار ءُ وت مہ وتی کمک آنی گیشی ءِ واستہ شور ءُ سلاھی رچ آناں جاڑی دارگ ءِ پیسلہ کت۔
