اسلام آباد۔ 30مارچ(اے پی پی) پاکستان بیت المال کمکاری نا پروگرام (آئی ایف اے) نارداٹ اینخو مالی سال اٹی 28ہزار 992بندغ آتے ٹی 12066.96ملین روپئی نا زر بشخانے وخت اس کہ تدوک آ مالی سال اٹی بے کچ گوجالوک 28ضلع غاتا حقدار بندغ آتے ٹی انفرادی مالی اعانت نا وڑاٹ 308.75ملین روپئی نا کمکی زر بشخنگا۔ پاکستان بیت المال نا ذرائع نا رداٹ بیت المال انفرادی مالی کمکاری نا کمک اٹ نیزگاری نا چٹفنگ کن کوشست کننگ ءِ، و چندی علاقہ غاتے ٹی جان جوڑٛی، تعلیم کن خصوصی بندغ آتے اعانت فراوان کننگ ءِ۔ دا پروگرام نا رداٹ اینخو مالی سال اٹی 28ہزار 992بندغ ءِ 12066.96ملین روپئی نا زر بشخانے وخت اس کہ داوخت اٹی طبی آسراتی تا فراوانی کن 22ہزار 320بندغ ءِ 2884.954ملین روپئی بشخنگانے۔ پاکستان بیت المال نا ذرائع پارے کہ تعلیمی کمکاری نا رداٹ 3602بندغ آتے ٹی 9115.551ملین روپئی و عمومی اعانت پروگرام نا رداٹ 1961حقدار آتے ٹی 51.87ملین روپئی بشخنگانے۔ پاکستان بیت المال خصوصی سنگت اعانت پروگرام نا رداٹ 1109فائدہ ہرفوک آتے ٹی 14.585ملین روپئی بشخا وخت اس کہ ڈسٹرکٹ جیل مظفر گڑھ اٹی جرمانہ غاتا زرتس تفننگ آ بند 25بندی تا یلہ و لاہور سنٹرل جیل انا 21بندی تا یلہ کننگ کن 17لکھ79ہزار 365روپئی نا جرمانہ اداکننگانے۔
