اسلام آباد۔ 30مارچ(اے پی پی) بنجائی وزیر امور کشمیر و گلگت بلتستان علی امین گنڈاپور پارینے کہ کوروناوائرس نا توننگ کن سہی سمت اٹ مون آ ہِننگ اُن، آزاد کشمیر و گلگت بلتستان انتظامیہ تون پدریسہ رابطہ ٹی اُن، آزاد کشمیر و گلگت بلتستان ناپبی کمک ءِ کننگ اُن۔ دوشنبے نادے آ داڑے جاری بیان اٹی اوپارے کہ گلگت بلتستان اٹی 50آن زیات قرنطینہ ہند جوڑ کننگانے، ٹیسٹنگ نا لائخی ءِ پدریسہ ودفنگ اُن، علی امین گنڈاپور پارے کہ میڈیکل اسٹاف ءِ غٹ تر رکھی سامان فراوان کننگانے، کوروناوائرس ءِ شکست تننگ کن نظم وضبط انا درشانی ءِ کروئی مریک، مشکل حالیت آتے ٹی الس حکومت و جہانی ادارہ جان جوڑی نا گائیڈ لائن تیا سختی اٹ عمل کیر۔ علی امین گنڈاپور پارے کہ پاک فوج، انتظامیہ و ایلو حکومتی ادارہ غاک دے ونن کاریم کننگ ءُ۔ کوروناوائرس نا توننگ کن چینی حکومت ناکمک ستاکڑزرک۔ علی امین گنڈاپور پارے کہ حالیت آتیا سخت نظر تخانن، ہر حالیت آتا مقابلہ ءِ کننگ کن حکمت عملی اس ترتیب تسونن۔
