اسلام آباد۔ 30مارچ(اے پی پی) سیکرٹری واپار سرداراحمد نواز سکھیرا پارینے کہ کورونا وائرس نا سوب آن آرڈرزآتا کینسل مننگ نا ویل آتے ایسر کننگک، داوڑنا گڑتی تا حالیت آتے ٹی برآمد کنندگان آک تعلقدار سفیر و کمرشل اتاشی تتون رابطہ کیر۔ دوشنبے نادے آ تینا ٹویٹ اٹی سیکرٹری واپار احمد نواز سکھیرا پارے کہ گڑاس برآمد کنندگان آرڈرزآتا کینسل مننگ نا گڑتی نا درشانی ءِ کرینو، ہرافتا آرڈرکینسل مننگ نا گڑتی ءِ او برآمد کنندگان آک تعلقدار سفیر وکمرشل اتاشی تتون رابطہ کیر۔ کمرشل اتاشیک خریدارآتون باندات آتے ہرفرہ۔ اوپارے کہ وزارت واپار خریدار آتون رابطہ کرسا آرڈر آتے برجاتخنگ کن کمک کیرہ۔ برآمدکنندگان درست رابطہ نا معلومداری و آرڈرز آتا سرجم آتے ایتر۔ احمد نواز سکھیرا پارے کہ اسہ وار آرڈرزآک کینسر مریر تو دُوارہ ملنگ اٹ مشکل مون تروک مریک۔ وزارت واپار برآمد کنندگان آتا ویل آتے ایسر کننگ کن گام گیج کننگ ءِ۔
