اسلام آباد ۔ 29مارچ (اے پی پی)مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ گوشت کہ پاکستان کورونا ءِ گرودارءِ ھاترا چین ءِ کمک ءِ منت وار انت،چین ءَ چہ واتر بوتگیں پاکستانی ءِ تہ کسے ءِ تہ کورونا ءِ پجار مہ بوتگ۔اے ھیالانی درشان آہاں چین ءَ چہ اتکگیں طبی عملہ ءَ را بریفنگ دیان ءَ گوشت ات۔آہاں گوشت کہ استیں جاورھال ءِ تہ چینی ڈاکٹرزءِ پاکستان ءَ آھگ وشیں گپ انت۔ چین ءِ طبی عملہ را پاکستان ءِ تہ وش اتکگ کنگ اوں،ھاسیں کمکار ءَ گوشت کہ چین ءَ پہ وھد ءِ سرا حفاظتی گام زوران ءَ کورونا وائرس ءِ سرا گرودار آرتگ۔ چین چہ پاکستانی نودربرانی ھاترا دراھیں گامگیج چست کتگ ات۔آہاں گوشت کہ وتی ملک ءَ چہ واتر بیوکانی اسکریننگ کتگ۔ پاکستان وائرسءِ گرودارءِ ھاترا چین ءِ کمک ءِ منت وار اتن۔آہاں گوشت کہ شریں حکمت عملی ءِ سبب ءَ پاکستان ءِ تہ کرونا وائرس ءَ را تالان بوھگ ءَ چہ داشتگ۔پاکستان ءِ مہلوک اے گرانیں ساعت ءَ چین ءِ کمک ءِ سرا منت وارانت۔آہاں گوشت کہ اے ایوکا ایشی ءَ چہ ممکن بوتگ کہ پاکستان ءُ چین ءِ سرجم کمک ءِ سبب ءَ اے نادراہی ءِ مقابلہ کنگ ءَ سوبمند بوتگ۔اے سبب انت کہ چین ءَ چہ اتکگیں کجام مساپر کورونا وائرس ءَ چہ انفیکٹڈ نیست ات۔ ووہان چہ نودربرءَ را پاکستان نہ کنگ ءِ پیسلہ باز گران ات بلے چین ءَ پاکستانی نودربران ءَ را طبی آسراتی پھجاراتگ ایشی ءِ سرا مہ چینی حکومت ءِ منت واراوں۔ظفر مرزا ءَ گوشت کہ چین ءَ گوں ھوار دراھیں تک ءَ کمک ءَ را پراھی دیگ بہ بیت۔
