اسلام آباد ۔ 29مارچ (اے پی پی) نیشنل ڈیزاسٹر مینجمنٹ اتھارٹی ءِ چیئرمین لیفٹیننٹ جنرل محمد افضل ءَگوشت کہ چین ءَ کورونا وائرس ءِ آزمائش ءِ تہ ھم پاکستان ءِ پکہ ءِ سنگت ءِ ثبوت داتگ انت۔یک شمبے ءَ چین ءِ حکومت ءِ نیمگا چہ دیم داتگیں کمکی سامان زورگ ءِ پدا گپ ءُ تران کنان ءَ آہاں گوشت کہ مہ اے گرانیں ساعت ءَ چین ءِ کمک ءِ سرا پاکستانی حکومت ءُ مہلوک ءِ نیمگا چہ منت ءَ گرگ اوں ۔این ڈی ایم اے ءِ ربالکار ءِ گوشگ ءِ ردا کورونا وائرس ءِ گرودارءُ ھلاسی ءِ مشن سرجمیں وڈءَ برجاہ انت،اے درگت ءَ چین پاکستان ءَ گوں چکاریں کمک کنگ انتءُ اے مکسد ءِ ھاترا چین ءَ چہ کمک ءِ یک گراب ءِ اسلام آباد ءَ سر بوتگ۔ربالکاراین ڈی ایم اے ءَ گوشت ک ووھان ءَ چہ اتکگیں ھاسیں گراب ءِ تہ تقریبا 6 ٹن سامان دیم دیگ بوتگ انت۔سامان ءِ تہ 15 ونٹی لیٹرز، ماسک، میڈیکل ءِ دومی طبی ءُ حفاظتی چیز ھوار انت۔پاکستان ءِ تہ چین ءِ سفیر ءَ کمکی سامان چیرمین این ڈی ایم اے لفٹیننٹ جنرل محمد افضل ءِ ھوالہ کتگ ات۔
