اسلام آباد ۔ 29 مارچ (اے پی پی) بلوچستان ءِ تہ نولانگ ڈیم ءِ جوڈ ءُ جاڑی ءَ چہ 47 ہزارایکڑ اراضی ءَ را کشت ءُ کشاری ءِ ھاترا آپ ءِ پھجارگ ممکن بیت وھدیکہ ایشی ءَ چہ توان ءِ پیداوار ھم حاصڷ بیت۔گوستگیں ھپتگ ءَ راجی اقتصادی کونسلءِ انتظامی کمیٹی ءَ نولانگ ڈیم پراجیکٹ ءِ دومی نظرثانی شدہ پی سی ون ءِ منظوری داتگ ات ایشی ءِ سرا28 ارب 46 کروڑ 5 لکھ کلدار ءِ ھرچ کائنت ایشی ءِ پدا اے منصوبگ ءِ مالی کمک ءِ ھاترا اقتصادی امورءِ ڈویژن ءَ را ایشیائی دیمروءی بنک ءَ گوں گپ ءُ تران بناء کنگ ءِ تہ اڑانڈ دور بوتگ ات۔اے دیوان ءِ تہ بنجاہی وزیر اقتصادی امور حماد اظہر ءِ قیادت ءِ تہ کمیٹی ءِ قیام ءِ کڈنی دیگ بوتگ انت کمیٹی ءِ دگہ باسکانی تہ وزیر منصوبگ بندی ،ڈپٹی چیئرمین پلاننگ کمیشن ءُ وزارت آپ ءُ توان ءُ بلوچستان حکومت ءِ نماھندگ ھوار بنت۔کمیٹی اے منصوبگ ءِ دومی نظر ثانی بوتگیں پی سی ون ءِ تیاری ءِ باروا ہمگرنچ ایشوز ءِ چارءُ تپاس گپت۔کمیٹی دوھپتگ ءِ وھد ءُ پاس ءِ تہ وتی صلاح ءَ دات،سرکاری وسیلگ ءِ گوشگ ءِ ردا نولانگ ڈیم ضلع جھل مگسی ءِ دمگ گنداواہ ءَ چہ 30کلو میٹرءِ دوری سرا دریائے مولا ءِ سرا واقع انت۔ڈیم ءِ تعمیر چہ 47 ہزارایکڑ رقبہ سیراب بیت ءُ ایشی ءَ چہ توان ھم ودی بوت۔یک اندازگ ءِ ردا ڈیم ءِ جوڈ جاڑی ءَ چہ سالینہ 3ارب چہ گیش انکم ءِ گمان انت،ایشی ءَ چہ ماہی ءِ پیداوارءَ چہ سالینہ سئے کروڑ کلدار ءِ گمان انت۔اے منصوبگ ءَ چہ ڈیم ءِ عدم موجودگی ءِ تہ ھارءَ چہ بوتگیں کروڑاں کلدارءِ تاوان ءَ چہ ھم رکھگ بیت۔ ڈیم ءِ برزی 186فٹ بیت، ایشی ءَ را بنیاتی وڈءَ ھاک ءَ گوں جوڈ کنگ بیت
