اسلام آباد ۔ 28 مارچ (اے پی پی) مزن وزیر ءِ ھاسیں کمکاربرائے ھالرسانی ءُ شنگکاری ڈاکٹر فردوس عاشق اعوانءَ گوشت کہ کرونا چہ رکھگ ءِ احتیاطی راھبند زورگ ہمک مردمے وتی زمہ واری انت ، احوالکارانی ءُ ورکرز ءِ سلامتی ءَ را سدکی جوڈ کنگ ءِ ھوالہ چہ لہتیں صلاح ءُ حکمت عملی سرا ھم چارءُ بچار کنگ بیت۔ ھپتگ ءَ وتی یک ٹویٹ ءِ تہ ھاسیں کمکار ڈاکٹر فردوس عاشق اعوان ءَ گوشت کہ مہلوک ءِ تہ سرپدی ،بنجاہی صوبائی رھوت ءُ ھالرسانی ءِ مٹ ءُ سٹ ءَ را موثر ءُ ہم آہنگ جوڈ کنگ ءِ ھاترا صوبائی ھالرسانی ءِ وزیرانی گوما گپ ءُ تران ءِ دومی سیشن مروچی بیت۔
