لاہور۔28 مارچ(اے پی پی )گور نر پنجاب چوہدری محمدسرور ءَ دراھیں جیل آنی بندیگءُ سٹاف ءَ را ماسک،سینی ٹائزر،صابن ءُ پنجاب ءِیک لکھ ھاندان ءَ را مپت راشن ءِ پھجارگ ءِ جار جنان ءَ گوشت کہ کورونا ءِ ھلاپ ءَ جنگ شاھدگانی سرا نہ بلکہ گس ءِ تہ نشت ھم باج برگ بیت اگہ مہلوک دگانی سرا درکپگ ءَ چہ نہ اوشتاگ تو ترندیں پیسلہ کنگ بیت۔ ھدا ءِ ھاترااٹلی ءُ فرانس وڈیں جاورھال ءَ چہ بچگ ءِ ھاترا گسانی تہ نندایت۔اپوزیشن ھم گلہ ءَ یل دات کورونا ءِ ھلاپ ءَ جنگ ءِ تہ حکومت ءِگوں پج بیت۔آں ھپتگ ءِ روچ ءَ گور نرہاﺅس لاہور ءِ تہ لاہور انسٹی ٹیوٹ آف ہیلتھ سائنسز ءِ گوہر اعجاز ،اخوات ءِ چیئر مین ڈاکٹر امجد ثاقب،بزنس پینل پاکستان ءِ سروک خواجہ شیراز اکرم ،پیف ءِ قاضی عظمت،سرور فاﺅنڈیشن ءِ وائس چیئرپرسن بیگم پروین سرور ھوار 12فلاحی گلانی نماھندگ ءِ ہمبراہ پریس کانفرنس ءَ گوں تران کتگ۔ گور نر پنجاب چوہدری محمدسرور ءَ گوشت کہ پنجاب ڈویلپمنٹ نیٹ ورک ءِ تہ ھوار12فلاحی گلاں گوں ھواری ءَ مہ اے پیسلہ کتگ کہ پنجاب ءِ جیلانی تہ سٹاف ءُ بندیگ ءَ را ھم کورونا چہ رکھگ ءِ ھاترا چکاریں گامگیج زورگ بہ بنت۔اے ھاترا مہ دراھیں جیلانی تہ بندیگانی کساس ءُ آہانی جیڈھانی ھوالہ چہ ریکارڈ جوڈ کتگ۔
