اسلام آباد ۔ 28 مارچ (اے پی پی) بنجاہی وزیر منصوبگندی دیمروئی ءُ ھاسیں گامگیج اسد عمر ءَ گوشت کہ ملکی معیشت ءِ ھاترا المی صنعتءَ را برجاہ دارگ ءِ پیسلہ کتگ،مہلوک ءَ را ورگ ءِچیز،دوا داروءُ انڈسٹری ءَ را ابید اوشت ءِ توان پھجارگ ءَ را سدکی جوڈ کنگ بیت۔اے ھیالانی درشان آہاں ھپتگ ءَ وزارت منصوبگ بندی ءِ تہ ویڈیو کانفرنس ءِ وسیلگ ءَ کورونا وائرس سرا دیوان ءِ تہ گشتانک کنان ءَ کتگ ات۔اے موہ سرا بنجاہی وزیر برائے توانائی، خوراک، معاشی امورءُ صوبگانی نماھندگ ءَ بھرزوری کتگ۔کورونا وبا ءِ ھاترا ملکی معاشی جاورھال ءِچارءُ تپاس گپتگ۔دیوان ءِ تہ جزوی لاک ڈاون ءِ ھاترا اژدری چیزانی پھجارگ ءَ را سدکی جوڈ کنگ ءِ سرا زور مان کتگ۔اے موہ سرا بنجاہی وزیراسد عمر ءَ گوشت کہ مہلوک ءَ را ورگءِ چیزانی پھجارگ ءَ را سدکی جوڈ کنگ بیت۔دارودرمان ءِ پھجارگ ءُ انڈسٹری ءَ را ابید اوشت ءِ توان ءِ پھجارگ ءَ را سدکی جوڈ کنگ بیت۔آہاں گوشت کہ بند بوتگیں ضروری صنعتانی مزدورانی ھاترا احتیاطی راھبند جوڈ دیگ بوھگ انت۔انڈسٹری ایسوسی ایشنز ءِ کمک ءَ گوں اے پنت ءُ شون ءَ رانافذ کنگ بیت۔اسد عمر ءَ گوشت کہ کورونا وبا ھاترا صنعتءَ را دیم جنجال ءَ گوں دیم دیگ ءِ ھاترا وزارت صنعت گامءَ چست کن ایت۔دیوان ءِ تہ پیسلہ کنگ بوتگ کہ حتمی منظوری ءِ ھاترا راجی رابطہ کمیٹی ءِ تہ پیش کنگ بیت۔
