اسلام آباد۔ 27مارچ(اے پی پی) وزیر خارجہ شاہ محمود قریشی پارینے کہ نیشنل کوآرڈینیشن کمیٹی نا دیوان نا فیصلہ غاتے مون آ تخسا بنجا و صوبہ غاتا نیام اٹ رابطہ غاتے ٹی پین گچینی اتنگک، دا مسخت کن کمانڈ اینڈ کنٹرول سنٹر اس جوڑ کننگانے و صوبہ غاتے پاننگاکہ او تینا تینا نمائندہ پن کیر۔ دا کمانڈ اینڈ کنٹرول سینٹر، نیشنل ڈیزاسٹرمینجمنٹ اتھارٹی نا کماشی ٹی جوڑ مریک۔ شاہ محمود قریشی ہرا قومی رابطہ کمیٹی نا بڑزکو دیوان اٹی ساڑی ئس۔ دا دیوان وزیراعظم عمران خان نا کماشی ٹی تدوک آ دے اڈ ہلک۔ وزیر خارجہ دا بابت تینا بیان اٹی پارے کہ درونا دیوان اٹی اہم ءُ فیصلہ کننگا،م اولیکو فیصلہ دامس کہ بنجاو صوبہ غاتا نیام اٹ رابطہ غاتے ٹی پین گچینی اتنگے، دامسخت کن کمانڈ اینڈ کنٹرول سینٹر اس جوڑ کننگانے صوبہ غاتے پاننگانے کہ او تینا تینا نمائندہ پن کیر۔ دا کمانڈ اینڈ کنٹرول سینٹر،نیشنل ڈیزاسٹر مینجمنٹ اتھارٹی نا کماشی ٹی جوڑ مریک تانکہ صوبہ و مرکز، اسہ وڑاٹ، اسٹینڈ رڈ ایزڈ میکانزم اتون کاریم کننگ کیر۔ اوپارے کہ داوخت آ دینی جہانی چیلنج اتون مون تروک ننا ہیلتھ ورکرز، بے کچ اہم ءُ کڑد اس ادا کننگ ءُ اوفتا رکھ ءِ پک کننگ ننااولیتءِ ، چنانچہ درونا دیوان اٹی فیصلہ دا مس کہ دا ہیلتھ ورکرز آتا رکھ اکن غٹ المی گام گیج کننگک۔ ٹیسٹنگ نا آسراتی ءِ پین گچین کننگ و ودفنگ ناہم فیصلہ ءِ کننگا چنانچہ نن پی سی آر نا پوسکن ءُ مشینری ہلنگ اُن دا مشین تا بننگ آن پد ننا ٹیسٹنگ نا کچ دوگنامریک ۔ اوپارے کہ لاک ڈاؤن وخت انا اہم ءُ گرج اسے ہراڑآن ہچ کس نمن مننگ کپک ولے نن لاک ڈاؤن اتون اوار اوار داہیت ءِ ہم پک کروئی ءِ کہ الس ءِ ضرورت نا گڑاباقاعدگی اٹ دوبرساکے۔ درونا دیوان اٹی نماز جمعہ نا ادائیگی نا بابت باندات آ ہم شرہ مس ہموڑے صوبہ غاک ہم ساڑی ئسر۔ غٹ آن سلاہ ہم ہلنگا جامعہ الاظہر نا کنڈآن جاری مروک آ فتویٰ ءِ ہم مون آ تخنگا چندی تپہ فکر انا ننا جید علمائے کرام تا سلاہ ہم ننامون آٹے ، چنانچہ امنائی وڑاٹ فیصلہ دا مس کہ مسیت آتے ٹی نماز جمعہ نا اجتماک کچ اٹ مریر، نماز جمعہ نا کچ اٹ اجتماع کن بیرہ نوٹیفکیشن کشنگ بس مفک ، ننے الس ءِ قائل کروئی مریک۔
