اسلام آباد۔ 27مارچ(اے پی پی) چین آن ارٹ میکو جہاز طبی گڑااتسا کراچی آ سرمس۔ جمعہ نادے آ کراچی آ سرمروک آ جہاز اٹی کوروناوائرس نا تشخیص کن 50ہزار نا خڑک ٹیسٹنگ کٹس ءُ۔ نیشنل ڈیزاسٹرمینجمنٹ اتھارٹی این ڈی ایم اے نا ترجمان نارداٹ کوروناوائرس نا تالانی ءِ توننگ نا چرجوئی ٹی علی بابا و جیک مافاؤنڈیشن نا کنڈآن گڑاتا دا ارٹ میکو کھیپ ءِ۔ داکان مست 25مارچ آ چین آن اولیکو جہاز گڑااتسا پاکستان آ سرمسوسس۔ چینی حکومت نا کنڈآن گدریفوک آ اولیکو کھیپ اٹی 10لکھ فیس ماسک و 50ہزار ٹیسٹنگ کٹس ہم اوار ئسر۔
