اسلام آباد۔ 27مارچ(اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ کورونا نا چیلنج اتون مون تننگ کن طبی آسراتی، گڑاو ڈاکٹر آتا گدریفنگ آ عظیم سنگت چین نا منت واری ءِ ہرفنہ، چین ہراگچین نظم و ضبط اتون دا دین انا مون ءِ تورے او دنیا کن اسہ مثال اسے، کورونا نا بابت پاکستان چینی ڈاکٹر آتا علم، آزموندہ و چاہنداری …
پاکستان چینی ڈاکٹر آتا آزموندہ وچاہنداری آن پبی فائدہ ہرفک، ڈاکٹر فردوس عاشق اعوان نا ٹویٹ
گیشتریں ھال
اسلام آباد۔ 27مارچ(اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ کورونا نا چیلنج اتون مون تننگ کن طبی آسراتی، گڑاو ڈاکٹر آتا گدریفنگ آ عظیم سنگت چین نا منت واری ءِ ہرفنہ، چین ہراگچین نظم و ضبط اتون دا دین انا مون ءِ تورے او دنیا کن اسہ مثال اسے، کورونا نا بابت پاکستان چینی ڈاکٹر آتا علم، آزموندہ و چاہنداری آن پبی فائدہ ہرفک۔ جمعہ نادے آ خصوصی کمکار ڈاکٹر فردوس عاشق اعوان تینا ٹویٹ اٹی پارے کہ ہرمشکل وخت اٹی اسہ ایلو تون تفنگ آئرن برادرز آتا اسہ شاندار روایت ءِ، ہڑتوم آ ملک آتا الس ءِ دا مخلصانہ سنگتی آ گمر ءِ۔ اوپارے کہ پاکستان نا زرگزرانی شونداری کن کمک مرے یا کشمیر نا ویل آ ننا اصولی موقف نا مخ تفی، چین مدام پاکستان و اونا الس نا اومیت آتیا پورو سلیسونے۔
