کوئٹہ۔ 27مارچ(اے پی پی) گورنر بلوچستان جسٹس ریٹائرڈ امان اللہ خان یاسین زئی جمعہ نادے آ وزیراعلیٰ سیکرٹریٹ اٹی وزیراعلیٰ بلوچستان جام کمال خان تون اوڑدہی کرے ہڑتوم آ راہشونک کوروناوائرس نا توننگ نا بابت باندات آتیا گپ وتران کریر، وزیراعلیٰ بلوچستان گورنر ءِ صوبہ ٹی کوروناوائرس نا حالیت و توننگ کن حکومتی گام گیج آتیا حوال تس۔ گورنر بلوچستان حکومتی گام گیج آتیا است جمی نادرشانی ءِ کرے ، اوڑدہی ٹی کوروناوائرس نا تالانی ءِ توننگ اٹ احتیاطی تدابیر ءِ اہم گوندسا الس ءِ اُراتیٹی مرسا تینے، تینا خاہوت و راج ءِ کوروناوائرس آن رکھ کننگ نا خواست کننگا وخت اس کہ کوروناوائرس نا توننگ و وائرس آن زہمی بندغ آتا خیالداری و درمان کن ڈاکٹر آتا خذمت آتے خراج تحسین پیش کننگا، گورنر وائرس نا توننگ نا گام گیج و تعلقدار باندات آتا مانیٹرنگ کن وزیراعلیٰ سیکرٹریٹ اٹی جوڑ کنٹرول روم انا معائنہ ءِ ہم کرے، گورنرءِ کنٹرول روم انا کارکڑدگی و باندات آتا بابت حوال تننگا۔
