سنگاپور اٹی رہینگوک آ پاکستانیک کورونا نا پورو رکھی کٹس، چشمہ، ماسک عطیہ کرینو، گڑاتے این ڈی ایم اے نا حوالہ کریر، زلفی بخاری نا ٹویٹ

اسلام آباد۔ 26مارچ(اے پی پی) وزیراعظم نا خصوصی کمکار سمندر پار پاکستانیز زلفی بخاری پارینے کہ سنگاپور اٹی رہینگوک آ پاکستانیک بطور عطیہ 2800پورو رکھی کٹس، 1500چشمہ، 400ماسک پاکستان آ گدریفینو۔ پنچ شنبے نادے آ تینا اسہ ٹویٹ اسے ٹی زلفی بخاری پارے کہ مچ آ کمکی گڑاتے این ڈی ایم اے نا حوالہ کننگانے۔ زلفی بخاری پارے کہ دامشکل ساہت اٹی پیشن نا ملک آتے ٹی رہینگوک آ پاکستانی تا کمک نا ستاءِ کینہ۔