اسلام آباد۔ 26مارچ(اے پی پی) حکومت 12می پنچ سالہ ڈٹ انا رداٹ شرح نمو دوئی کننگ کن اولیتی بنداوتیا گام گیج کننگ ءِ۔ وزارت ڈٹ بندی و شونداری و اصلاحات ناکمامدارآتارداٹ 12می پنچ سالہ ڈٹ اٹی اقتصادی سوگوی، کشت وکشار نا پیداواری لائخی و کاروباراٹی ودکی، صنعت آتا شونداری و برآمد آتا مون آ دننگ، انسانی وسیلہ، انفراسٹرکچر نا شونداری، مربوط انرجی پلاننگ، نیزگاری ٹی کمتی، پائیدار شونداری ہدف آتا دوئی کننگ، انتظامی اصلاحات ، کم شون ہلوک علاقہ غاتا گچینی و موسمیاتی بدلی آ چکار کننگانے۔ پنچ سالہ ڈٹ انا رداٹ برآمد آتے ٹی ودکی کن گام گیج کننگانے و برجاشونداری ڈٹ آتا پیش رفت نا مانیٹرنگ ءِ کننگ کن اسہ میکنزم اس جوڑ کرینے۔ زرگزران نا غٹ بشخ آتا پیداواری لائخی ٹی ودکی ءِ پک کیک۔
