اسلام آباد۔ 26مارچ(اے پی پی) وزارت انسانی حق اینخو مالی سال 2019-20ء ٹی ادارہ جاتی ہدف آتا دوئی کننگ کن گچین تزویراتی ڈٹ بندی، پٹ وپول و شونداری گام گیج آتارداٹ 59.7ملین روپئی خڑچ کننگ ءِ۔ وزارت انسانی حق انا ذرائع پنچ شنبے نادے آ داڑے اے پی پی ءِ پارے کہ ڈٹ انا مسخت پوسکن آ تزویراتی ڈٹ بندی،پٹ وپول آ مبنی سرجزآتا کنڈآہِننگ نا ءِو ادارہ جاتی ہدف آتا دوئی کننگ ءِ پک کننگ ناءِ تانکہ سوگو پنجر نا کمک اٹ آخبتی وڑوڈول اس اختیار کننگ مرے۔ اوپارے کہ پی سی ون ءِ تیار کننگانے ہراڑکن وزارت انفارمیشن ٹیکنالوجی و ایلو تعلقدار ادارہ غاتون سلابت کننگانے تانکہ وزارت اٹی ای آفس ایپلیکیشن ہند اس جوڑ کننگ مرے۔ دا پی سی ون نا امنظوری ءِ تعلقدار فورم آن دوئی کننگانے۔ دام گام گیج آن داخلی مواصلاتی نظام ہم سوگو مریک و فیصلہ سازی ٹی موثریت، شفافیت ، درستگی و خوداحتسابی ءِ گچین جوڑ کننگ مریک۔ دا گام آن ساڑی آ آئی سی ٹی نا پنجر ہم اپ گریڈ مریک و دادے پوسکن آ انفارمیشن ٹیکنالوجی نا ازباب، لاء جسٹک سپورٹ و انسانی وسیلہ غاتیان شپ کننگ مریک ہرا ای آفس ایپلیکیشن آ عملدرآمد اٹی کمکار مریک۔
