کوئٹہ۔ 25مارچ(اے پی پی) وزیراعلیٰ بلوچستان جام کمال خان پارینے کہ بلوچستان اٹی لاک ڈاؤن ہنداخاطرآن کرینن کہ خلقت زیات تر تینا اُراتیٹی مریر کروناءِ شکست تننگ نا اسٹ انگا ایسر ہندادے۔ داخیال آتا درشانی ءِ او سبی نا اسہ دے ئی دورہ ءِ کننگ نا وخت آ میڈیا تون گپ وتران کرسا کرے، وزیراعلیٰ پارے کہ خلقت بے سوب اُراتیان پیش تمپس و اسہ ایلو تون تولپس دا اسہ خراب ءُ دینی ءُ مرض اسے ہرادنیا نا کم و ود 196آن زیات ملک آتے تینا پلویڑ اٹی ہلکونے اٹلی نا مثال ننا مون آٹےہموجاگہ نا الس حکومت نا کںڈآن تروک آ احتیاطی تدابیر آتیا عمل درآٰمد کتوس ہرانا سوب آن دنیا ٹی غٹ آن زیات زوال اٹلی ٹی مننگ ءِ، اوپارے کہ بلوچستان حکومت الس ءِ ریلیف تننگ کن غٹ تر ممکنہ آسراتی فراوان کیک ولے الس نا ہم فرض ءِ کہ او احتیاطی تدابیر اختیار کیردہ آن پانزدہ دے اُراتیٹی رہینگ انگ آن ہچ ءُ پرخ اس تمپک دا نمے و نما خاہوت نا سیفٹی کن ءِ اوپارے کہ بلوچستان نا میڈیا بھاز محتاط وڑاٹ کرونا وائرس نا بابت تینا کڑد ءِ ادا کننگ ءِ اصل مسخت خلقت اٹی آگاہی فراوان کننگ نا ءِ اوپارے کہ ہڑدے نا اجرت آ کاریم کروک آ مزور آتے کن حکومت بلوچستان محکمہ سوشل ویلفیئر تون اوار ایلو ادارہ غاتا ڈیوٹی تے خلنگانے ہراکہ ڈٛیٹا یکجا کننگ ءُ وخت اس کہ ہرڈویژن اٹی اسہ صوبائی سیکرٹری اسے نا ڈیوٹی ءِ ہم خلنگانے کہ او ہموجاگہ نا ضلعی انتظامیہ تون اواری اٹ کاریم کے۔
